AM
  • Նորություններ

Մագիստրոսական կրթություն Վիեննայում, BOKU համալսարանում

Ավստրիայի BOKU համալսարանում «Applied Limnology» մագիստրոսական ծրագրով Հայաստանից մեկ ուսանողի կրթությունը ֆինանսավորելու հնարավորություն

EcoServ նախագիծը հայտարարարում է Ավստրիայի BOKU համալսարանում «Applied Limnology» մագիստրոսական ծրագրով Հայաստանից մեկ ուսանողի կրթությունը ֆինանսավորելու հնարավորության մասին: Նախաձեռնության գլխավոր նպատակն է կրթության միջոցով ուսանողի ներգրավումը ՀՀ մակերևութային ջրերի կառավարման և էկոհամակարգային ծառայությունների գնահատման աշխատանքներում, որի շրջանակում էլ ընտրված ուսանողը պետք է կատարի իր մագիստրոսական հետազոտությունը։

Նախագիծը ֆինանսավորվում է «Բարձրագույն կրթության եւ հետազոտության զարգացման Ավստրիայի գործընկերության ծրագիր» APPEAR-ի կողմից։ APPEAR-ը OeAD-ի կողմից իրականացվող Ավստրիական զարգացման համագործակցության (ADC) ծրագիր է։

Մանրամասները՝ https://www.facebook.com/profile.php?id=61550587854303

Related News

Հունիսի 18, 2024
Clock
1ր կարդալու

EcoServ ամառային դպրոց
Սիրով հարավիրում ենք մասնակցելու #EcoServ նախագծի շրջանակում կազմակերպվող «Մասնակցային մոտեցմամբ Հրազդան գետի հովտի էկոհամակարգային ծառայությունների գնահատում» թեմայով ամառային դպրոցին, որը տեղի է ունենալու ս․թ․ հուլիսի 12-17-ը «Բեսթ Ռեզորթ Աղվերան» hյուրանոցում։Ամառային դպրոցի նպատակն է համախմբել տարբեր մասնագիտությունների ուսանողների և դասախոսների, ինչպես նաև տեղական բնակչությանը՝ Հազդան գետի ավազանի էկոհամակարգային ծառայությունների գնահատման և ջրային ռեսուրսների արդյունավետ կառավարման համար։Եթե կարևորում եք […]
Կարդալ
Հունիսի 15, 2024
Clock
1ր կարդալու

EcoServ ուսուցչական սեմինար
Սիրով հրավիրում ենք մասնակցելու Վիեննայի ԲՈԿՈՒ համալսարանի (BOKU), Երևանի պետական համալսարանի (ԵՊՀ) և ԳԱԱ Կենդանաբանության և հիդրոէկոլոգիայի գիտական կենտրոնի (ԿՀԷԳԿ) կողմից իրականացվող #EcoServ նախագծի շրջանակում կազմակերպվող «էկոհամակարգային ծառայությունների ոլորտում կրթության ներդրման հնարավորությունների վերհանում #մասնակցային մոտեցմամբ» թեմայով երկօրյա մասնագիտական սեմինարին, որը տեղի է ունենալու ս․թ․ հուլիսի 8-9-ը «Բեսթ Ռեզորթ Աղվերան» Հյուրանոցում։Սեմինարի նպատակն է խթանել տարբեր բնագավառների մասնագետների միջև փոխգործակցությունը հանուն #էկոհամակարգային ծառայությունների […]
Կարդալ
Մայիսի 6, 2024
Clock
1ր կարդալու

EcoServ դրամաշնորհային ծրագիր
EcoServ նախագիծը հրավիրում է մասնակցելու բիզնես գաղափարների իրականացման դրամաշնորհային մրցույթին, որը նախատեսված է Հրազդան գետի հովտի համայնքներում մեկնարկող և գործող բիզնեսների համար։ Ծրագրի շրջանակում նախատեսվում է կազմակերպել մեկօրյա բիզնես դասընթաց, որով մասնակիցները հնարավորություն կստանան զարգացնելու իրենց ձեռնարկատիրական գիտելիքներն ու հմտությունները, կսովորեն կազմել բիզնես պլան և գրավիչ ներկայացնել բիզնես գաղափարը։ Իսկ լավագույնները կստանան դրամաշնորհ՝ գործող բիզնեսները՝ […]
Կարդալ
Դեկտեմբերի 22, 2023
Clock
1ր կարդալու

ԵՊՀ հայաստանյան գործընկերների այցը BOKU, Վիեննա
EcoServ նախագծի շրջանակում Երևանի պետական համալսարանի Տնտեսագիտության և կառավարման ֆակուլտետի դոցենտ Նոննա Խաչատրյանը և դեկան Կառլեն Խաչատրյանը 2023 թվականի դեկտեմբերին աշխատանքային այցով Վիեննայի բնական ռեսուրսների և կյանքի գիտությունների համալսարանում էին։
Կարդալ
Image
Մայիսի 18, 2023
Clock
1ր կարդալու

Աշխատաժողով
2023 թվականի ապրիլի 19-ին կազմակերպվեց EcoServ-ի առաջին դասախոսական աշխատաժողովը
Կարդալ
Site-Logo

Հետևեք մեզ

Facebook-f Linkedin X
ecoserv@boku.ac.at

Ֆինանսավորով կազմակերպություններ

Appear
oeao
ADC

©2023 EcoServ. All rights reserved | Privacy Policy

made by digidog
close
Verena Radinger Peer

Վերենա Ռադինգեր-Փիր

Project coordinator, Dipl.-Ing. Dr. Ass. Professor

Verena Radinger Peer
Linkedin
Twitter
verena.radinger-peer@boku.ac.at
Պրոֆեսոր, Դոկտոր Վերենա Ռադինգեր-Փիրը մասնագիտացած է լանդշաֆտի զարգացման և պլանավորման ոլորտում, ունի հետդոկտորական հետազոտության փորձ Ավստրիայի MODUL համալսարանում և հրավիրյալ մասնագետի փորձ՝ Նիդերլանդների CHEPS-ում և Գերմանիայի Ֆրաուհոֆերի ISI-ում։ 2013 թվականից ակտիվ միջգիտակարգային և միջառարկայական հետազոտություններում նա համագործակցում է ակադեմիական և ոչ ակադեմիական կառույցների հետ: Ներկայումս նրա հետազոտության շրջանակը կենտրոնացած է գիտություն-հասարակություն փոխազդեցությունների վրա՝ տարածաշրջանային կայունության փոխակերպումների, էկոհամակարգային ծառայությունների, ինչպես նաև կլիմայի պետական կառավարման ուղղություններով: Նրա աշխատանքը ներառում է որակական և քանակական հասարակագիտական մեթոդների լայն շրջանակ:
Tigran Keryan

Տիգրան Քեռյան

Postdoctoral researcher, Dr.rer.soc.oec. MSc

Tigran Keryan
Linkedin
Twitter
tigran.keryan@boku.ac.at

Տիգրան Քեռյանը մասնագիտացած է էկոհամակարգային ծառայությունների և բնության վրա հիմնված լուծումների մեջ՝ անդրգիտակարգային և մասնակցային հետազոտությունների միջոցով՝ լուծելով կայուն զարգացման մարտահրավերները: Խթանելով և համակարգելով հետազոտողների, մասնագետների և քաղաքականություն մշակողների միջև համագործակցությունը՝ նա կենտրոնանում է հասարակական խնդիրների գործնական լուծումների մշակման վրա: EcoServ նախագծում Տիգրանը խթանում է մասնակցային մոտեցման միջոցով էկոհամակարգային ծառայությունների գնահատմանը: Տիգրան Քեռյանը ստացել է աշխարհագրության մագիստրոսի կոչում Երևանի պետական համալսարանում և դոկտորի կոչում Վիեննայի Բոկու համալսարանի Transitions to Sustainability (T2S) դոկտորական դպրոցում։ Հետդոկտորական հետազոտություններ է կատարել Պորտուգալիայի UTAD համալսարանում։

Rafaela Schinegger

Ռաֆայելա Շինեգգեր

Expert in ES assessment and management, Dipl.-Ing. Dr. Assoc. Professor

Rafaela Schinegger
Linkedin
Twitter
rafaela.schinegger@boku.ac.at
Էկոհամակարգային ծառայությունների գնահատման և կառավարման փորձագետ Dipl.-ing. Dr. Assoc. Professor Դոկտոր Ռաֆայելա Շինեգերը, Վիեննայի Բնական ռեսուրսների և կյանքի մասին գիտությունների համալսարանի (BOKU) «Ինտեգրատիվ բնության պահպանության պլանավորման» ասիստենտ է: Փորձառու գիտնական և միջազգային նախագծերի ղեկավար է, ունի առաջադեմ գիտելիքներ ԵՄ տարբեր դիրեկտիվների (հատկապես WFD, FD & HD), ինչպես նաև միջգիտակարգային գործունեության և գիտություն-քաղաքական հարաբերությունների վերաբերյալ:
Karlen Khachatryan

Կառլեն Խաչատրյան

Ծրագրի ԵՊՀ-ի համակարգող, տնտեսագիտության թեկնածու, դոցենտ

Karlen Khachatryan
Linkedin
karlen.khachatryan@ysu.am
https://www.ysu.am/en/user/594

Երևանի պետական համալսարանի Տնտեսագիտության և կառավարման ֆակուլտետի դեկանն է։ Կառավարչական և հետազոտական հմտությունների յուրօրինակ համադրմամբ՝ նա 2016-2023թթ․ ղեկավարել է ԵՊՀ Կառավարման և գործարարության ամբիոնը՝ մի կողմից մշակելով ուսումնական պլաններ, դասընթացներ, մյուս կողմից՝ իրականացնելով հետազոտական ծրագրեր։ Վերջին 5 տարիների ընթացքում ղեկավարել է ՀՀ Գիտության կոմիտեի կողմից ֆինանսավորվող երեք գիտական դրամաշնորհ։ Բացի այդ, ունի գիտական միջոցառումներ՝ գիտաժողովներ, գիտական դպրոցներ, աշխատաժողովներ կազմակերպելու հարուստ փորձ։ Հանդիսանալով «ՔԵՅԷՄՋԻ ՔՈՆՍԱԼԹԻՆԳ» ընկերության հիմնադիր՝ նա հաջողությամբ համադրում է ակադեմիական և բիզնես գործունեությունը՝ իրականացնելով խորհրդատվական ծառայություններ, ինչը վկայում է տնտեսության տարբեր ոլորտներում նրա ունեցած փորձառության մասին։

Nonna Khachatryan

Նոննա Խաչատրյան

Researcher and education expert, Ph.D, Ass.Professor

Nonna Khachatryan
Linkedin
nonnakhachatryan@ysu.am
Դոցենտ Նոննա Խաչատրյանը մասնագիտացած է կրթության, նորարարությունների, ծառայությունների և ձեռներեցության կառավարման ոլորտներում ։ Իր թեկնածուական գիտական աստիճանը ստացել է Հայաստանի բարձրագույն կրթության որակի ապահովման հիմնախնդիրների բարելավման ուղղությամբ հետզոտության իրականացման արդյունքում: Լինելով Երևանի պետական համալսարանի դոցենտ՝ գործընկերների հետ համատեղ մշակում է առարկայական ծրագրեր, դասավանդում և զբաղվում հետազոտական գործունեությամբ: Ակադեմիական գերազանցության հանդեպ նրա նվիրվածությունը ներառում է դրամաշնորհային ծրագրերի, բազմաթիվ հրապարակումների հեղինակումը և համահեղինակումը։ Նրա մեծ փորձն ու գիտելիքները զգալիորեն նպաստում են EcoServ նախագծի նպատակադրումների իրագործմանը։
Vardan Asatryan

Վարդան Ասատրյան

Coordinator: SCZHE NAS RA, Ph.D, Lead Scientist

Vardan Asatryan
Linkedin
asatryanvardan@gmail.com
Կենդանաբանության և հիդրոէկոլոգիայի գիտական կենտրոն Վ․ Ասատրյանի թեկնածուական ատենախոսությունը նվիրված էր Սևան թափվող գետերի էկոլոգիական վիճակի գնահատմանը։ Նա առաջինն է մշակել Կովկասի տարածաշրջանում մակերևութային ջրերի էկոլոգիական վիճակի բազմաբաղադրիչ գնահատման ցուցիչ։ Վ․ Ասատրյանը զբաղվում է ջրակենսաբանական մշտադիտարկման գործիքների մշակմամբ և ղեկավարում է տարբեր հետազոտական ծրագրեր, որոնց ներգրավված են Գերմանիայի, Ֆրանսիայի և ԱՊՀ երկրների մասնագետներ։ Վ․ Ասատրյանը Հորիզոն Եվրոպա ծրագրի Հայաստանյան ազգային կոնտակտային անձ է։ Նա ունի 15 տարվա մանկավարժական փորձ, ինչպես նաև ղեկավարում է աշխարհագրության միջազգային օլիմպիադայի մասնակից Հայաստանի հավաքականը։ 2020թ․-ից նա նաև հանդիսանում է CaBOL միջազգային ծրագրի կարգաբանական համակարգող։
Marine Dallakyan

Մարինե Դալլաքյան

Co-leadership: SCZHE NAS RA, Ph.D, Lead Scientist

Marine Dallakyan
Linkedin
dallakyan.marine@gmail.com
Կենդանաբանության և հիդրոէկոլոգիայի գիտական կենտրոն Մ․ Դալլաքյանը քիմիկոս-էկոլոգ է, ով 2011թ․-ին պաշտպանել է թեկնածուական ատենախոսություն անթրոպոգեն գործոնի ազդեցության պայմաններում Հրազդան գետի էկոլոգիական վիճակի գնահատման վերաբերյալ։ Ավելի քան մեկ տասնամյակ նա ղեկավարում է Հայաստանի հատակային մակրոանողնաշարների ուսումնասիրությունների և գետային էկոհամակարգերի էկոլոգիական վիճակի գնահատման մեթոդների մշակման աշխատանքներ։ Մ․ Դալլաքյանը համագործակցում է Գերմանիայի և Ֆինլանդիայի կենսաբազմազանության և էկոհամակարգային ծառայությունների ուսումնասիրություններով զբաղվող ինստիտուտների հետ։ 2013թ․-ին Մ․ Դալլաքյանը տեղայնացրել է ԵՄ ՋՇԴ մոտեցումները Հայաստանի մակերևութային ջրերի ջրակենսաբանական մշտադիտարկման համար։ 2018թ․-ին նա ստեղծել է հատակային մակրոանողնաշարների ԴՆԹ-բարկոդ տվյալների բազան Բոնի ZFMK ինստիտուտ-թանգարանում։ Ներկայումս նա ղեկավարում է Հայաստանի ջրային մարմինների էկոլոգիական վիճակի բազմաբաղադրիչ ցուցիչների մշակման և էկոհամակարգային ծառայությունների գնահատման ծրագրեր։ Մ․ Դալլաքյանը Հայաստանի պետական մանկավարժական համալսարանում դասավանդում է իր կողմից մշակված “Էկոհամակարգային ծառայություններ” մոդուլը և օժանդակում է ԵՊՀ “էկոհամակարգային ծառայությունների կառավարում” կրթական ծրագրի ներդրմանը։